no ocaso, Luis por acaso: (www.astormentas.com)

Poema ao acaso

lunes, 18 de mayo de 2009

O CORNO DE OURO, o turco alí acó, e

a famosa PISTA BÚLGARA, ao descuberto.

Pouca xente lembra xa o 'affaire' da 'pista búlgara' dos anos oitenta.
A mín sempre me resultóu uma história divertida.
Tarde xa, coma sempre e coma en todo, pro non quixen desaproveitar a ocasión que se me presentóu a comezos deste mes de investigar por min proprio, e no esceario xeográfico apontado, canto de certo había naquela historia.

Armado de ferramentas adecuadas para tal propósito, as habituais de todos os servizos de intelixencia, fun deixando rexistado gráficamente toda a peripecia das miñas pesquisas, dos seus resultados, e das probas rotundas das miñas descobertas.

Aquí están:

Testimonio fotográfico nº 1.- Comezo a escudriñar entre os círculos heterodoxos da "Igrexa herética oriental", autochamada ortodoxa. Observo cousas moi estranas pero o milagre non se produce.



Documento nº 2.- Indago en circulos militares do antigo réxime, e vexo todo moi escuro.


Documento nº 3.- Chego a conclusión de que son as árbores que non me deixam ver o bosque.


Documento nº 4.- Os avances derivados da reflexión anterior comezan a dar froitos. E así é como aparecem os primeiros sospeitosos. Aquí se podem ver perfeitamente disfarzados de mulleres peregrinando ao Mosteiro de Rila.




Documento nº 5.- O progreso na investigación, derivado da anterior experiencia, orientame no seguintes pasos a dar. Debo buscar entre os rebaños de ovellas se quero encontrar aos verdadeiros lobos da trama. Eso fago. Neste rebaño da foto comezo o chequeo.
.

.
Documento nº 6.- E, Oh la lá!, encontro por fin aos máximos culpabeis do papicidio frustrado, velahí están, tambén disfarzados con peles de ovella, multicornos e outros trebellos, exhibindo a tradicional fanfarronería búlgara, por outra parte bastante común tambén, moi a pesar noso, nos 'peliqueiros e pantallas' das nosas terras de Laza e Verín, ainda que, por iso, algo menos 'estirados' os nosos.
.

Documento nº 7.- A PROBA DEFINITIVA:
localizados os MISEIS apontando ao VATICANO,
e os canóns, a destra e sinistra.


E, documento nº 8: a base aérea que os mantém operativos, cos avións dispostos, e prontos, para remachar tal obxectivo.

Definitivamente, a 'pista búlgara' era algo moi real, e non uma invención da CIA como arma de propaganda da 'guerra fría'.

Nunca me imaxinéi capaz de un traballo desta envergadura.